La Usc di Ladins

L é ruà a compiment con n bel spetacol dal titol »Dokumentarfilm Wir retten die Bienen« l projet de la scola populèra de Vich »Wir retten die Bienen/Salviamo le api/Salvon la eves/Let’s save the bees«. En jebia ai 18 de mé i bec con sia ensegnantes à envià families e amisc te Sorastanza de la Scola Ladina a Sèn Jan per veder i fruc de n projet che é jit inant via per dut chest an de scola te duta la disciplines e che l à tout ite apede a la scola ence desvalives atores de la comunanza.

»Se na dì no fossa più eves, al om ge restassa demò cater egn de vita!« l é la paroles del scienziat Albert Einstein che i scolees à dit fora bel adaut, anzi adertura Einstein en persona l les à dites ju de paladina. L é n envit che ne à fat scolees e ensegnanc percheche duc fajassane noscia pèrt per salvèr la eves. Ai 20 de mé l é stat la giornèda mondièla de la eves per tegnir auta la sensibilisazion envers chest argoment, chel che à fat te sie picol ence i scolees da Vich che ne à dalbon fat entener l’emportanza de chesta picola besties e colunes che l é la rejons che porta a sia estinzion.

De più su La Usc stampèda de vender ai 26 de mé.  ( Monica Cigolla)