La Usc di Ladins

Co erela la fegura del malan zacan? A chesta domana à proà a responer Nicola Eccel. Belapontin te Scola l é stat endrezà da man de la dozentes de ladin Doris Fosco e Nives Iori na scontrèda col bacan da Penìa, do n percors didatich leà a la fegura del diaol. »Nicola l é cresciù a cèsa con sie giaves: da picol en su l à semper sentù contèr storia veiores de segnèi e de malans, l é donca cresciù te la tradizion orala fascèna«.

Nicola con gran braura l à encantà, te Sala grana de la Scola ladina, sacotenc studenc de la clasc quartes e quintes di licees fascegn. Con n biot ladin descheche se fèsc ormai fadia a sentir amò, l à contà de segnèi e de prejenzes misteriouses.

De più su La Usc stampèda de en jebia ai 7 de dezember.  (Nicoletta Riz)