La Usc di Ladins

Can e co èste pa scomenzà a fèr l Bufon?
Da picol in su jie ite con mie père a vardèr la mascherèdes e me à semper piajù la mèscra del Bufon. L jia inant e indò con na bela facera e na bela capa, l sutèa… l me à semper ingaissà! Da lo ge é domanà al Grop se podee tachèr a l fèr: aré scomenzà acà 13 egn, canche n aee 8 e jie a la populères.

Co te èste injignà guant, facera, stica e capa?
L guant l me l aea dat adimprest Marco Verra, gé siere jit a me comprèr la stinfernes e é ciapà zeche fazolec veies da mia giava. La capa ence la me l aea data Marco, la stica e l ocel i me li aea fac Mario Rasom. Mia pruma facera l me la aea fata inveze Umberto Riz, dapò do dotrei egn l’aee cambièda e l me l’aea fata mie bèrba Tone Lorenz. Chela che é ades la é beleche neva, la é da dotrei egn e chesta l me l’à zipièda Ismaele Soraperra.

Co se fèjel a esser n bon Bufon?
L cogn esser bon de troèr la patofia giusta per la persona che l à tedant. Magari via per l an vardèr che che combina ’sta jent e esser bon de ge fèr su na patofia mingol pizochenta. (Intervista de Nicoletta Riz)

De plu tla edizion stampeda de La Usc di Ladins o sun l e-paper a paiament www.lausc.it/e-paper