Mi inom é Endrit Istrefi, i á 24 agn y i viri a Badia bele da vint agn. Pordërt sunsi nasciü tla Svizera, olache i á vit por n pü’ deplü co n ann, denanco jí tl Kosovo, olache i á spo passé trëi agn. Te döes edemes él avisa 20 agn che i sun a Badia.
É chësc aniversar tan important por te?
I ê dër pice, canche i sun rové adalerch, mo i me recordi avisa. Al ê le 21 de forá 2004, che i sun rové a Badia. Spo él ince da dí che i me recordi saurí chësta data ciodí che mia jormana á compliagn en chël de.
Co él pa sté por te da crësce sö chiló tles munts, te n contest te chël
View the embedded image gallery online at:
https://www.lausc.it/spezial/26390-na-ciacolada-cun-endrit-istrefi-jonn-de-badia-originar-dal-kosovo#sigProId671014fe19
https://www.lausc.it/spezial/26390-na-ciacolada-cun-endrit-istrefi-jonn-de-badia-originar-dal-kosovo#sigProId671014fe19
I â cater agn, canche i sun rové adalerch y i sun chersciü sö chiló. I lingac por me n’é mai stá n problem, i i á tres impará ion. Le ladin ái tres capí, mo ara á duré cina ales Scores altes, che i metess man da le baié. Dailó él sté na maestra che á dit a mi compagns, da baié ma plü ladin cun me, y chël ái fat. Insciö ái ince iö metü man plan plan. I mëssi dí che al é sté na fortüna da avëi chësc sostëgn da pert de mi compagns. Dailó ái capí tan important che al é da conësce le lingaz por podëi se integré bun. Savëi da baié ladin m’á daurí sö les portes a na vita soziala plü ampla. Insciö ái imparé a conësce jënt da döta la valada y i mëssi dí che al vëgn dër aprijé dala jënt dl post sce an sá da baié ladin. (MO)
De plu tla edizion stampeda de La Usc di Ladins o sun l e-paper a paiament www.lausc.it/e-paper
