La Usc di Ladins

A la fin del 2024 l é vegnù fora »La casa dei silenzi«, opera de Donato Carrisi che era trop spetèda dai pascioné de chest scritor e che la dèsc na neva spenta al zicle de Pietro Gerber, na trilogia che era pontèda via del 2019 con »La casa delle voci« e che era jita inant con »La casa senza ricordi« e »La casa dei silenzi«. L nef liber vegnù fora del 2024 donca l dèsc seghit a na lingia de libres che à abù gran suzes e che, fazile, amò la jirà inant: Carrisi aea rejonà timpruma de n projet che podessa contèr set cèses desvalives, conforma sessaben a coluna che sarà, liber do liber, la responeta del publich. Per endèna la serie à abù numeres emportanc e »La casa dei silenzi« à abù l merit de empeèr amò n’outa la lum su dut l zicle, a na vida che chi che amò no aea let la trilogia i jissa de retorn tel temp per la cognoscer. Per chest é dezidù de ve meter dant anché no l’ultima neva, ma l prum liber de chesta storia ipnotica e zidiousa, che lascia da na man l più cognosciù action-thriller per descriver la pèrt più foscia de la ment umana, olache i recorc i se confon, l’infanzia doventa n mistèr e la poura no vegn da de fora, ma da daite.

Se pel lejer dut su La Usc nr 36 dai 19 de setember, che se pel troèr ence te la boteighes de sfoes. Sul sit www.lausc.it se per fèr l abonament al e-paper per aer azes vigni vender a dut l sfoi sul fonin, tablet o computer.