La Usc di Ladins

Tacon ite con n argoment che chisc dis tegn auta l’atenzion. Smaora ogne an l numer de cartieres che vegn dac via a fit sun piataforme desche Airbnb. Che n pissède?

Nicolò Weiss Airbnb ne à domanà se volon promuover sie portal chiò te val, i ne à dit che i à fat na sort de cordanza con le Olimpiadi, no sé ben se i é sponsor o partner, sé che i é jic da le ApT a domanar se se podea endrezar scontrade anter ic e nesc sozi, noi ge aon dit de no. Ben segur per un che à un cartier l fitar con Airbnb l é n canal en più. L problem l é dut chel che vegn fat col fit de le seconde ciase. Airbnb laora con na sort de turism che no l é nosc target: l ghest rua te Fascia, l troa la chiaf te n box, no l rejona con nesciugn, la persona che fita magari la é da Milan. Noi enveze sion do che slarion fora la comunicazion che chiò te Fascia i troa l’acolienza, la persona del post che te dasc consees, che se pel aer n raport con la jent.

Se pel lejer duta l'intervista su La Usc nr 43 dai 7 de november, che se pel troèr ence te la boteighes de sfoes. Sul sit www.lausc.it se per fèr l abonament al e-paper per aer azes vigni vender a dut l sfoi sul fonin, tablet o computer.


 (Monica Cigolla)