La Usc di Ladins

»Ence gé tel passà son stata vitima de bulism e é padì. Da chela esperienza, col didament de gregn che me é stac apede, son ruèda a entener che n muie de bec e bezes se comporta a chela vida perché ic per prumes i é deboi e mèlsegures.«

Chest l é un di pensieres scric ju da tousc e touses de la classes prumes di licees de Fascia do aer tout pèrt a la conferenza dal titol #cuoriconnessi, manèda fora très internet en mèrtesc ai 10 de firé en ocajion de la »Giornèda per la segureza te la rei internet« (Safer Internet Day), che vegn zelebrèda te passa 100 nazions de dut l mond. 
Te la direta online, portèda dant col endrez de Unieuro e de la Polizia de Stat, passa 240 mile studenc de scoles da duta la Tèlia i à abù l met de scutèr su stories de joegn che à padì situazion de bulism o de cyberbulism sui social o su le chat de app desche whatsapp o telegram. Ite per anter l é stat momenc de gran emozion, olache con sinzierità l é stat contà stories, col prum obietif de didèr chi che vif situazions ries.

Podede lejer dut su La Usc dai 27 de firé da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)


 (Thomas Zulian)