La Usc di Ladins

L fin de setemèna passà i atlec de schi se à dat jù te la seconda giornèda de gares de la circoscrizion B. Chest’outa i concorenc de la categorìes di Baby e Cucccioli e di Ragazzi e Allievi se à troà duc sun Aloch per tor pèrt a la garejèdes endrezèdes dal Fassactive.

En sabeda ai 11 l’é stat la garejèdes del slalom strent del zircuit Sorelle Ramonda e Itas Mutua per i Ragazzi e Allievi che tol pèrt a doi proes singoles che dapò vegn metudes ensema te la classifica de calificazion. Chiò l’é da uzèr fora anter le Allieve l bel resultat de Asia Carpano del Ski Team Fascia che a la fin de le doi manche la é ruèda pruma tedant a Carlotta Andreazza del Val de Fiem Ski Team, dutes doi é atletes del Ski College de Fascia. Per i Ragazzi enveze anter i ic prum post per Edoardo Valt de la Monti Pallidi e terzo post per Luca Weiss del Fassactive e anter la eles prum sciaier per Nicole Mattioli del Fassactive. En sabeda semper i Ragazzi e Allievi à tout pèrt ence a n slalom lèrch sun Cermis. Anter i Allievi de ic meton al luster l bel prum post de Andrea Dellantonio del STF e l 3° de Tommaso Olcese de la Monti Pallidi, duc doi del Ski College, anter la eles enveze Asia Carpano se à classificà 2^. Anter i Ragazzi l’é l 1° post de Edoardo Valt e l 2° de Luca Zanoner de la Monti Pallidi e l 3° de Leonardo Farina del STF. De la eles enveze l’é l 2° de Giulia Bonelli del FA e l 3° de Anna Detomas del STF. 

En domenia ai 12 enveze semper sun Aloch per endrez del Fassactive l’é stat endrezà la gara de slalom lèrch che aea valuta per l 1° Memorial Luca Prinoth per Cuccioli e Baby. Chiò se à metù al luster na sdragola de atlec de la sozietèdes fascènes de Fassactive, Ski Team Fascia e Monti Pallidi e l Ski Team Fascia se à endò vadagnà la pruma posizion anter la sozietèdes con 44 atlec e 1084 ponc, l Fassactive l’aea 22 atlec e l’à vadagnà 236 ponc e la Monti Pallidi semper 22 atlec e l’à concostà 158 ponc.

La classifiches su La Usc stampèda de vener ai 17 de jené.  (mci)