La sajon sportiva al via con i ciampes neves

Data

12 de messel 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Tel zenter sportif jun Navalge se à tacà a jièr a tennis sul fon nef. Chest an ampò per via de la restrizions emponudes dal coronavirus no vegn metù a jir l tornoi de aost
La é tachèda via ence chest an la sajon del tennis a Moena tel zenter sportif jun Navalge con la bela neva di ciampes renové te la pavimentazion, n intervent che l comun de Moena, patron de la strutura, aea jà pianificà l’an passà ajache chela da dant la era bon veia e roinèda.
Entorn a la fin de mé l’é tacà i lurieres, l’é stat metù jù erba sintetica mescedèda con saolon al quarz, per la fèr più stabola e ge dèr n aspet più realistich, che sporc la carateristiches de l’erba naturèla e de la tera batuda ensema.
Chesta sort de pavimentazion, che dèsc l met de jièr a na vida mingol più peigra ma ence manco pesoca per jeneies e ceviles, la é stata n muie aprijièda dai jiadores che da la metà de jugn à podù scomenzèr da nef a jir a jièr, tel respet se sà ben de la normes de segureza emponudes da la prejenza del coronavirus che amò no permet de arbassèr l’atenzion.
Ence per prateghèr chest sport defat l’é n protocol che perveit l distanziament dai etres jiadores, l couribocia canche se rua e se se n va dal ciamp e l’igenisazion de la mans; en cajo de partida la strenta de man anter jiadores la va mudèda fora fajan tocèr la pontes de la rachetes e l salut a l’arbiter va fat con n segn de la racheta.

De più su La Usc 27 de vender ai 10 de messèl  (Cristina Marchetti)