Cor Mauro, cor!

Data

03 de agost 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
L’atlet fascian Mauro Rasom à completà na raida de corsa che à tocà duc 6 i comuns fascegn
»Chel dì, no saesse pa dir l motif, é dezidù de jir a corer n tochet, coscita son ruà a la fin de la strèda. E n’outa aló me é pissà de corer enscin a la fin de la zità. E n’outa aló me é pissà de corer fora per la contea de Greenbow. Dapodò me é dit: ajache son ruà chiò, perché pa non corer fora per l beliscim Stat de l’Alabama...e coscita é fat. É coret tras dut l’Alabama, e no sé perché é seghità a jir. É coret fin a l’ozean e, n’outa aló me é dit, ajache son ruà chiò me śiraré e seghitaré a corer. Ruà dedant a n auter ozean me é dit, me śiraré endò e seghitaré a corer«. Per chi che no l lo cognosc, coscita rejonèa un di personajes de Hollywood più cognosciui, Forrest Gump (Tom Hanks) tel film de nonzech dal medemo inom del 1994. E coscita fosc podessa rejonèr ence l’atlet fascian Mauro Rasom che enstadì l’à fat na corsa de 80 chilometres e 5280 metres de dislivel passan fora duc i 6 comuns de Fascia. »Cor Forrest, cor!«, i ge dijea a Gump tel film, e la medema ousc l l’à cognuda sentir Rasom chilometer dò chilometer, su la strèda envers chesta impresa.
Pontà via en domenia ai 19 de messèl da Vich, l’atlet fascian l se à moet en direzion de Vael, passan dal Principe a Molignon, se n arloan envers Dier per arjonjer l Pordoi con sia sforcela, che porta al pas olache pèrt l Vièl dal Pan. Ruà sun Fedaa, ju fin a Dèlba per ciapèr la Val de Contrin, l’à podù se envièr via endò envers la bassa val tras l pas de Sèn Nicolò, tocan Sela de la Palacia en direzion de la val di Monciogn, la Costela con travert, tinultima a Soraga.

De più su La Usc 30 de vender ai 31 de messèl  (Daniele Verra)

Galaria retrac

View the embedded image gallery online at:
https://www.lausc.it/sport/13169-cor-mauro-cor#sigProId6987e04404