Do n an de paussa per l Covid la Carnia Arena International Biathlon Centre de Forni Avoltri te la Provinzia de Udin ge à dat alberch endodanef a la garejèdes de Alpe Adria Summer Cross Country 2021 competizion internazionèla che aea valuta per i campionac taliegn da d’istà sprint e distance de paslonch e skiroll e pruma proa di zircuic da d’invern de Copa Tèlia Gamma e Copa Tèlia Joegn Rodes. Chest’outa a la garejèdes à tout pèrt ence i atlec del grop Cramer de la nazionèla russa con chi che se arcedea ence Federico Pellegrino e Francesco De Fabiani.
L program prevedea en sabeda ai 4 la proa sprint con 270 atlec a la partenza: da doman bonora i joegn de la categories Under 18 e Under 20 e domesdì i gregn. En domenia ai 5 enveze l’é stat la proes distance con dantfora i big e domesdì i joegn.
A venjer la doi garejèdes l’é stat proprio i atlec del grop Cramer: la russa Yulia Stupak, una de la atletes più fortes a livel internazionèl e Federico Pellegrino, ma l titol talian de eles l’é jit a na ezelenta Caterina Ganz, dassen n muie brava te duta doi la competizions.
La atleta da Moena se à metù dintorn al col adertura doi medaes de or, chela de la sprint e chela de la proa distance sui 10 chilometres a tecnica ledia. Na venta che ge dèsc gran gaissa te chesta emportant moment de arcedament da d’istà.
De più su La Usc stampèda de vender ai 10 de setember. (mci)
Caterina Ganz, reina ence d’istà
La atleta da Moena se à vadagnà l titol talian de eles ai campionac da d’istà Cross Country a Forni Avoltri.
Galaria retrac
View the embedded image gallery online at:
https://www.lausc.it/sport/17021-caterina-ganz-reina-ence-d-ista#sigProId7388487a83
https://www.lausc.it/sport/17021-caterina-ganz-reina-ence-d-ista#sigProId7388487a83