La Usc di Ladins

Amor, sés y pascion, chël ne n’ie mia no zeche per la jënt de tëmp. O bën? Che n à debujën de vel’aicia, de zachei che te fej la beles, de amor nce mo canche n ie vedli, de chël àn ulù rujené cun l pez de teater dal titul »Unerhört! Sex im Alter – ein Tabu?«.

Do l gran suzes dla premiére a Persenon y reprejentazions te de plu luesc, coche nce a Corvara y a Luste­nau tl Vorarlberg, ie l pez nce unì purtà dant tla sala de Chemun a Santa Cristina n juebia dl’ena passe­da. La sala fova tocia y plëina, la curiosità granda.

I atëures dla grupa de teater »Überholspur«, pra chëi che l fej pea nce doi de Santa Cristina – Willy Runggaldier y Annemarie Schenk – à sapù da tré ca chësta tematica zitia te na maniera datrai lesiera y datrai plu sota, zënza tëma de dì coche la ie. L pez ie te trëi rujenedes– tudësch, talian y ladin – y danterite vëniel nce ciantà y sunà.

Elisabeth Kostner

L articul tla edizion atuela de La Usc di Ladins.