La Usc di Ladins

La comunanza de Moena entria e chi de ciasa se à strent dintorn a Paolo Defrancesco ‘Bona’ te sie ultim viac sun chesta tera en vender ai 9 de mé.

Paolo l é se n jit tel acort, te na dì d’aisciuda, en vender ai 2 de mé, sul portoi de le rode per jir envers Ciudar, l à ciapà l bot e no l é più stat nia da far. L aea 66 egn, l era n muie cognosciù te val e benvolù te paisc ajache canche l era da didar te le sociazion no l se tiraa mai en do. L é stat anter i fondadores del grop de socors a Moena de la Crousc Biencia e dapò l é passà te la Crousc Checena. Ge piajea ciantar e defat l é stat per 44 egn tel Cor Enrosadira: fondador, cassier, conseier, secretar, president e vizepresident. L aea lurà te Cassa Rurala de Moena e, de gra a soa esperienza te chest ciamp, l ge stajea do coi conc a sociazion desche »Pian pian bel bel« e l Zircol de la Jent de età.

Se pel lejer dut su La Usc nr 18 dai 16 de mé: sul sfoi stampà che se pel troèr ence te la boteighes de sfoes de la valèdes ladines o sul pdf per i aboné al e-paper.



 (MCI)