E zacan l é scomenzà l campionat ence per l’U.11. Da n trat se spetèa chesta bela neva e, con mingol de entardivament, l Comitat à responet. L campionat se dejoujarà con doi tornoes a trei o cater squadres te ogne giornèda. Ajache l campionat U.11 (e coscita chi de la U.9 e la U.7 che cogn amò scomenzèr tel Trentin) l vegn conscidrà atività promozionèla, no vegn contà i ponts de la ventes, e a la dir duta nience i goi te la partides. Dezijion che oramai da vèlch an la spartesc la opinions de la jent. Zenza jir ite te chesta polemiches, recordon che embendapò i falchec i é jic a jièr en domenia ai 21 de november l prum tornoi ofizièl de la sajon a Piné, de contra ai patrons de cèsa e al Fiem-Bienc (l Fiem à doi squadres enscinuèdes tel campionat, dessema al Fiem-Verc). La squadra fascèna se à vadagnà na venta col Piné e l’à enveze cognù zeder tel derby col Fiem.
L’U.15 à jià l derby ladin col Gherdena al Pranives de Selva, l’U.17 à pussà e l’U.19 Fascia/Fiem ge à fat front a l’endesfida de la Meranarena de contra apontin al Meran.
De più su La Usc stampèda de vender ai 26 de november. (Daniele Verra)
Campionat scomenzà per la 11, pruma venta per la 13
Setemèna piena de bona neves per l setor mender del Fascia Falcons.
Galaria retrac
View the embedded image gallery online at:
https://www.lausc.it/sport/17888-campionat-scomenza-per-la-11-pruma-venta-per-la-13#sigProId16bb91385f
https://www.lausc.it/sport/17888-campionat-scomenza-per-la-11-pruma-venta-per-la-13#sigProId16bb91385f