La Usc di Ladins

En sabeda y en domënia él sté a Gsies le »Tal Lauf«, dui dis de paslunch che chërda adalerch atlec n pü' da indlunch. La sabeda á garejé i atlec plü jogn y danter chisc n'êl ince de ladins, che se á alzé fora por sües bunes prestaziuns. Tla 5km dla categoria U14 él garaté n podium döt ladin: 1. Noah Heinrich Senoner dl SC Gherdëina, 2. Johannes Mair y 3. Daniel Pitscheider dl SCA Alta Badia Nordic. 
Deplü atlec y atletes ladins á spo ince tut pert en domënia ala gara provinziala de paslunch a Pfitsch, davagnan medaies y portan a ciasa de bugn resultac. 

Deplü podëise lí tla ediziun stampada che vëgn fora en vëndres ai 25 de forá.   (kp)