La Usc di Ladins

En sabeda y domënia, ai 26 y 27 de merz, él gnü organisé döes gares de paslunch a Langtaufers. La sabeda él sté na gara individuala, le de do spo la stafëta, pro chëra che i atlec y les atletes ladines á desmostré süa buna condiziun davagnan les medaies d'or y d'arjënt. Mo ince tla gara individuala él garaté de bugn plazamënc: en particolar se á alzé fora i atlec gherdënes Matteo Domenico Senoner (U12) che é rové 2. y Noah Senoner (U14) 3.

N or y dui arjënc tla stafëta
Tla categoria Cuccioli-U12 é rové secundo le grup metü adöm da Matteo Domenico Senoner, Alissa Rabanser y Luca Feichter. Tla categoria Jonins-U14 s'á plazé sön le scalin plü alt dl podest le team metü adöm da Johannes Mair y Daniel Pitscheider dl SC Alta Badia Nordic, adöm cun Emma Schwitzer dl ASC Sarntal. Te chësta categoria é rová al cuarto post Robin Kostner, Eline Rabanser y Noah Senoner. 5 plazamënt por i atlec badioc Mattia Piccolruaz y Damian Irsara, che á garejé cun l'atleta da Sarntal Lea Heiss. I gherdënes Samuel Demetz, David Moroder, adöm cun Anna Oberhöller é rová al 6. post. Tla classifica Aliefs-U16 medaia d'arjënt por Matteo Kuenzer dl SC Alta Badia Nordic, che á garejé cun Elias Oberhöller y Annika Hoffmann da Sarntal. Le grup de atlec gherdënes metü adöm da Leo Piazza, Manuel Senoner y Lena Moroder s'á plazé al 6. post.  (kp)