La Usc di Ladins

No va a nesciugn l derby jià ja Pardac anter l Fascia Balon e la Dolomitica. L scomenz de la endesfida l é de targa fasciana, co la pruma ocajion per Patrizio Deville che l proa la trata da tanche ite l’area, ma l troa la parada del portier pardacian.
Col passar di menuc i patrogn de ciasa i ciapa semper più ciamp e i ge dasc più che n cruzie a la defendura fasciana, che a valch vida la é bona de no ciapar gol. Al 20’ rua l despas fascian de gra al gol de Massimo Lorenz, che l é bon de controlar na bela trata de Matteo Lorenz, sutar l portier e meter l balon junsom al sach.
Do aer ciapà l gol, i pardacegn i proa a drezar sobito la endesfida, ma na trata da cet ciapa dret l remenat aut. Sul fenir del prum temp i patrogn de ciasa podessa parejar la partida de gra a n rigor, che però l atacant no l é bon de mudar en gol, ma l ciapa l remenat a cencia de Deflorian.

De più, ence coi resultac di più picoi, su La Usc stampèda de vender ai 28 de otober.  (Pierpaolo Rasom)