La Usc di Ladins

Ince la sajun dl schi alpinism á scomencé y en sabeda ai 10 de dezëmber é i atlec y les atletes de Badiasport jüs a desfiré la pröma gara sön le Klausberg: n pröm test denanco mëte man cun les gares de Copa Talia. Ara á dër buté. Tla categoria feminila U23 él rové sön le podest döt ma atletes de Badiasport: Hanna Irsara al 1. post, Analisa Pistscheider al 2. post, Mara Sottara al 3. post y Elisa Aricó al 4. post. Tla categoria maschila U23 á i atlec de Badiasport arjunt chisc resultac: Emanuel Pescollerungg 4., Tommy Irsara 5., Manuel Nagler 6., Tobias Tasser 7., Simon Granruaz 8., Maximilian Nagler 9., y Jan Daniel Trebo 10. Heidi Dapunt é rovada pröma tla categoria Master feminila y tla categoria Master maschila é Edmund De Vettori rové al 5. post.

Alex y Martina sön le podest
Ala gara á ince tut pert i atlec gherdënes Alex Oberbacher y Martina Cumerlato, che á intrami davagné la medaia d'arjënt tla categoria Senior.  (kp)