La Usc di Ladins

Fin de setemèna rich de garejèdes per i atlec de la sozietèdes sportives de val. En sabeda ai 14 de jené a Folgaria l é stat la pruma proa intercircoscrizionèla del zircuit trentin per Ragazzi e Allievi. La sozietà sportiva Città di Rovereto à endrezà l 8° Trofeo Simonini, Memorial Antonio Zanelli, na garejèda de slalom strent. I joegn fascegn à portà a cèsa ponc emportanc per sia posizions e per sia sozietà de partegnuda. Da uzèr fora doi medaes de arjent te la categoria Allievi de Dorotea Mobiglia e de Lorenzo Longo del Ski Team Fascia e la medaes de bron de Wanda Morelli de l’Agonistica Campiglio e de Simone Burlon de la Monti Pallidi, duc cater atlec del Ski College de la Scola Ladina.

Te la categoria Ragazzi enveze l é l quarto post de Alessia Chistè e l quinto de Alessandro Valt semper de la Monti Pallidi. Chisc ponc à permetù che te la classifica de la sozietèdes l Ski Team Fascia se vadagne la seconda posizion, la Monti Pallidi la 6^ e l FasciaActive la 11^. 

La classifiches su La Usc stampèda de vender ai 20 de jené.  (MCi)