La Usc di Ladins

Gran sodesfazion e contenteza per la sozietà sportiva Fascia Balon. En sabeda ai 28 de jené l alenador de la pruma squadra Luciano Cigolla é jit a Trent a la radunanza del CPA de la FIGC-LND Comitat provinzial che se à tegnù al teater Sanbapolis. Te chesta ocajion l é stat la consegna ofizièla del pest de la Copa Disciplina de la sajon 2021/22.
L president de la FIGC-LND Comitat de Trent Stefano Grassi ge aea fat aer la comunicazion a la pruma squadra del Fascia Balon jà chest istà e enstadì l ge à consegnà a Cigolla la targa de recognosciment. »Se trata de n resultat de gran valor, medemo o adertura maor per vèlch aspet a chel biot sportif, soraldut te n mondo desche chel del sport diletantistich e di joegn, olache la crescimonia e la formazion de la persona cogn jir ensema a cheles de l’atleta – à dit Grassi. Chest resultat desmostra la calità del lurier che siede do che fajede, siede n pont de referiment de nosc moviment e na componenta de valuta de la sozietà.«

De più su La Usc stampèda de vender ai 10 de firé.  (Monica Cigolla)