La Usc di Ladins

En domënia ai 19 de forá él sté tl zënter de biathlon da Pfitsch na gara de biathlon varënta por la copa provinziala »Hubert Leitgeb«. Chiló él garaté deplü podesć y medaies por atlec y atletes dla Val Badia y de Gherdëna. Melanie Ranalter dl SCA Alta Badia Nordic á arjunt le scalin plü alt dl podest realisan n pröm post, implü él ciamó garaté n arjënt y trëi broms ladins. Chiló de sot reportunse i resultac, por categoria, cina al 15. plazamënt.
Tla categoria Baby 2. post por Katharina Senoner dl SC Gherdëina y 8. post por Erich Willeit dl SCA Alta Badia Nordic. Tla categoria Cuccioli á i atlec gherdënes arjunt chisc plazamënc: 3. Alice Mantovani, 4. Ilian Senoner, 5. Adam Oberhauser, 7. Lea Demetz y 11. Aylin Pitscheider. Chisc i resultac di badioc: 7. Ivan Willeit, 8. Barbara Rungger Kuprian, 10. Felix Moritz Endres y Madleine Joey Costamoling, 12. Joel Irsara y 13. Liam Costabiei.

Or por Melanie, brom por Verena
Tla categoria Ragazzi á Lena Kostner dl SC Gherdëina davagné la medaia de brom. Sü compagns de scuadra é rová: 4. Manuel Anvidalfarei, 7. Elisa Kostner, 10. Lara Oberhauser, 11. Lia Oberhofer, 12. Daniel Perathoner y Chiara Perathoner. Dl SCA Alta Badia Nordic s'á Alex Dapoz y Lia Bertoldi plazé al 6. post, 7. plazamënt por Luca Aricó, 10. Rafael Tavella y 15. Leon Pitscheider. Or tla categoria Allievi por Melanie Ranalter dl SCA Alta Badia. Süa compagna de scuadra Verena Pallua é rovada 3., 5. Sofie Irsara, 8. Elsa Canins y 14. Raphael Fistill. Dl SC Gherdëina é Mattia Runggaldier rové 9., Stefan Hofer 10. y Kamila Fernanda Velasquez Vela 14.  (kp)