La Usc di Ladins

Doi giornèdes da liber di recorc per i passa 600 partezipanc ai campionac trentins de la categories Baby e Cuccioli de schi de dut l interzircoscrizional che l Ski Team Ciavaleis à endrezà sul portoi Lagorai sun Cermis. 

En sabeda ai 11 de mèrz l é stat i più picoi che à tout pèrt a na garejèda de slalom lèrch che aea valuta per l trofeo Alpe Cermis e Dao Conad, ma più che vardèr i resultac l é da dir che per chisc picoi l é stat na bela giornèda de sport.

Per chel che vèrda i podies uzon fora anter i Baby Under 9 de eles l bel 2° post de Sophie Rasom del FassActive.

En domenia enveze l é stat i Cuccioli che se à endesfidà per l’assegnazion di titoi trentins sul portoi Lagorai moscian sia braura tecnica.

La classifica di miores su La Usc stampèda de vender ai 17 de mèrz.  (MCI)