La Usc di Ladins

I é de 6 i joegn atlec fascegn che da vèlch an i se dèsc ju tel sport de la trata col archet. A ge stèr do te chest sport l é Christian Seneca, che garejea ence el te chesta disciplina. Fin acà pech temp i fajea duc pèrt del Arco Team Fascia, ma per poder tor pèrt a vèlch competizion maora i à cognù se scriver ite a de autra sozietèdes più struturèdes.
Christian Seneca l fèsc pèrt de la A.P.D. Kosmos de Rorei, e de jené l é stat bon de arjonjer la medaa de bron ai Campionac taliegn indoor para-archery.
I bec, che ades fèsc pèrt de la sozietà Arcieri Piné, i se arcedea a Ciampedel con Seneca col sostegn e la supervijion de Cristina Ioriatti, ex campiona olimpica de Piné. Cater de chisc bec i se à classificà a la selezions e dai 9 ai 12 de mèrz i à podù tor pèrt ai Campionac taliegn indoor de Rimini e i à arjont ejic dalbon ezelenc.

De più su La Usc stampèda de vender ai 24 de mèrz.

 (Lucia Gross)