La Usc di Ladins

Tles partides dla ultima fin dl’edema lungia êl de vigni sort sön le program dl palé. Danter les partides ince le derby ladin tla terza categoria, che á odü sön le ciamp dl sport Plans la partida danter La Val y Val Badia. Do n pröm tëmp cun na traversa por pert él sté Alex Stampfer dla Val Badia che á desgropé le resultat al 47ejim, cun le su gol dla partida, che é ince sté chël dla devënta.
Tla secunda categoria á le Mareo messü jí fora en Puster a soghé la ria partida cuntra le Gais. Na partida che i maroi s’á metü te sach cun n pröm gol segné tl pröm menüt y n secundo al 25ejim. Cun le resultat de 0 a 2 mantëgn le Mareo sciöche pröm te tlassamënt na bela destanza de 7 punc dala secunda te classifica.

Les croniches dles partides ciafëise sciöche dagnora t’La Usc stampada  (pablo)