Palé Val Badia: Trëi partides, döes pordüdes
Les gran scuadres amatoriales dla Val Badia á soghé la penultima partida de campionat. I resultac n’é nia da bravé
I campionac de 2. y 3. categoria s’arjigna da jí a piz. Tla fin dl’edema passada él gnü soghé les penultimes partides. Le resultat plü positif vëgn dala scuadra dla US La Val, che s’á mosoré fora de ciasa cuntra le Perca y á arjunt n pêr por 2 a 2. Nia da nen fá indere por l’ACD Val Badia, che á soghé te ciasa cuntra i Amaturs dl San Iöre. I pustri ti á fat ite trëi goi ai ladins y s’á insciö ince metü a saul i trëi punc: 0 a 3 por i aversars. Tla secunda categoria á le ASC Mareo soghé te ciasa cuntra le Gossensass y á messü ti lascé i trëi punc por 0 a 1. I maroi á indere la promoziun bele al sigü. (pablo)
Galaria retrac
View the embedded image gallery online at:
https://www.lausc.it/sport/23726-pale-val-badia-trei-partides-doees-porduedes#sigProIdb2ec150511
https://www.lausc.it/sport/23726-pale-val-badia-trei-partides-doees-porduedes#sigProIdb2ec150511