Fenesc fora con na venta l campionat per l Fascia Balon che l à batù l Perjen per 1 a 0. Ti prumes menuc jia miec Trottner e compagnes e do 7 menuc i troa l gol de la venta, Patrizio Deville del Bronza ge dasc l balon de tach a Alessandro Rasom de Onz che l proa la trata dai vint metres che fenesc tel set. Do chest gol i fascegn spenc amò e i proa a serar su la endesfida dant con na trata dai vintecinch metres de Alessandro Crepaz che fenesc fora de pech. Passa n menut e l é Gabriele Riz de Janoto che risćia de far gol do na bela azion che la fenesc con na trata dai vint metres che brinca l remenat a cencia del portier valsuganot. I bec de Mister Cigolla é patrogn del ciamp, i seghita a majenar l jech e i ge dasc cruzies a la defendura ghesta. Sul mez del ciamp podessa ruar l 2 a 0.
De più su La Usc stampèda de en jebia prum de jugn.
(Pierpaolo Rasom)
