Do aer fenì la passèda sajon ai prumes de mèrz, perdan la serie di pre-playoff al miec de trei partides contra l Kitzbühel, la sozietà fascèna se à sobito dat ju per endrezèr via la neva squadra per la sajon 2023/24.
N nef projet che vèrda al davegnir, peà via co la sotscrizion del contrat de Anders Eriksen, arcedador svedeis dal curriculum dassen emportant. L à arcedà timpruma desche assistant coach te la Serie A svedeisa per passèr dapò a la squadres di joegn de la nazionèla svedeisa U17 e U18; na fegura che pel esser donca de gran emportanza per l svilup di jiadores del post e che à, al medemo temp, gran cognoscenza del hockey european.
Ensema con el l é stat dapò confermà dut l coaching staff: Luigi Marchetti diretor sportif, Martino Soracreppa assistant coach e Antonio ‘Tony’ Gagliardi responsabol del setor di joegn.
De più su La Usc stampèda de vender ai 22 de setember. (Mattia Desilvastro)
L é peà via la neva sajon per la Alps Hockey League
L é scomenzà ai 16 de setember l campionat olache jia Fascia, Gherdena e Ampez. Vedon chesta setemèna coche se à endrezà i Falcons fascegn e coche se dejouc l calandèr. Da la setemèna che vegn daron cont di resultac de la formazions ladines.
Galaria retrac
View the embedded image gallery online at:
https://www.lausc.it/sport/24978-l-e-pea-via-la-neva-sajon-per-la-alps-hockey-league#sigProIdfbdf3074cd
https://www.lausc.it/sport/24978-l-e-pea-via-la-neva-sajon-per-la-alps-hockey-league#sigProIdfbdf3074cd