La Usc di Ladins

L é stat de nef temp de showcase. Su la giacia de Varese se à podù mirèr i miores talenc U.16. N weekend dassen pien per i più forc atlec taliegn de hockey clas 2008 e 2009, che anter i 20 e 21 de jené i se à troà al Acinque Ice Arena: spartii te cater squadres, i bec se à confrontà sot l eie ascort del responsabol di setores mendres taliegn e responsabol del projet John Parco.

Team Oilers, Team Sharks, Team Maple Leafs e Team Penguins à jià ogneun contra duta la squadres te n giron round robin de soula jita. Na vida per ge dèr l met ai miores prospect de desmostrèr sia calitèdes te n contest de aut livel, e ence per ge dèr l met de se cognoscer e sozialisèr, a ic che sarà l davegnir del hockey talian e de noscia Nazionèla. Anter chisc ence trei fascegn: l portier Lorenzo Crepaz clas 2008 che à jià tel Team Penguins; l defensor Thobias Cinzol, ence el clas 2008 e metù tel Team Sharks; l atacant Manuel Detomas clasc 2009 che à jià dessema a Crepaz coi Penguins.

De più, coi resultac de la desvaliva formazions mendres di Falcons, su La Usc stampèda de en vender ai 26 de jené.  (Daniele Verra)