La Usc di Ladins

Da manajé na scolina ól ester de vigni sort de förtli y competënzes. De svilup y ampliamënt dles competënzes de manajamënt nen ésera ince jüda pro n curs universitar aposta, a chël che vint coordinadësses de scolina da döt Südtirol á tut pert. Te chësta formaziun de dui agn y mez él gnü traté te 12 modui de vigni sort de tematiches, che vá dal svilup dl team ala organisaziun de sentades, la moderaziun, presentaziun y tröp d’ater. Referënta prinzipala é stada Kathia Nocker y lapró á tigní leziuns ince Shima Poostchi, Kevin Hofer, Elisabeth Antenhofer y Melanie Pöhl. Pro les partezipantes ala formaziun n’êl ince döes dla direziun dles scolines "Ladinia", plü avisa Juna Moroder de Urtijëi y Elisabeth Miribung da La Val, che á en chësc de podü pié do le diplom.

T’La Usc di Ladins di 14 de jügn ciafëise na intervista impara, olache ares cunta dla esperiënza y dla valüta de chësta formaziun