En sabeda ai 22 de jügn vëgnel resservé les strades di jus de Ciaulunch, Falzares y Valparola ai ziclisć, en ocajiun dla setima ediziun dl »Dolomites Bike Day«
I jus de Ciaulunch, Falzares y Valparola sará le nojel dl »Dolomites Bike Day«, che gnará metü a jí en sabeda ai 22 de jügn. En chësc de vëgn les strades di trëi jus y i coliamënc anter i paisc de San Ciascian, La Ila, Corvara, Reba y La Pli de Fodom stlüc al trafich motorisé y resservá ai ziclisć, che pó se gode n de sön la roda en segurté. La roda é indöt 51 km lungia, cun n deslivel de 1.370 m y an pó pié ia da ci paisc che an ó, y ince cun ci sort de roda che an á plü ion. Les strades
View the embedded image gallery online at:
https://www.lausc.it/manifestazions-y-evenc/27353-manifestazions-atuales-speziales#sigProIde01ed62ef3
https://www.lausc.it/manifestazions-y-evenc/27353-manifestazions-atuales-speziales#sigProIde01ed62ef3
La Ila: Swim camp – isté 2024
La Uniun Sport La Ila mët a jí d’isté edemes de cursc da nodé por mitans y mituns dla scolina y dla scora elementara
I cursc vëgn tignis tla nodadoia comunala da La Ila, cun le maester Riccardo Broglio. Ai s’oj ai mëndri dla scolina (prinzipianc y progredis – anades 2020, 2019 y 2018) y a mitans y mituns dla elementara (livel mesan y progredis). La pröma edema é dai 15 ai 19 de messé, la secunda dai 29 de messé ai 2 d’agost (an pó ince se scrí ite a intrames les edemes). Al vëgn fat grups aladô dl’eté y dl livel y les leziuns döra 45 menüc. I cursc vëgn dagnora tignis danmisdé. Le cost é de 80,00€. Les iscriziuns é da fá ma online sön www.uslaila.it. I posć é limitá. Informaziuns ala mail fitness@uslaila.it
Cuncors per l simposium »Sëra«
La Lia Mostra d’Ert–Circolo, n cunlaurazion cun la lia EPL–Ert por i Ladins, mët a jì chësc
View the embedded image gallery online at:
https://www.lausc.it/manifestazions-y-evenc/27353-manifestazions-atuales-speziales#sigProIde01ed62ef3
https://www.lausc.it/manifestazions-y-evenc/27353-manifestazions-atuales-speziales#sigProIde01ed62ef3
Cun l titul »Sëra« ti vëniel dat mpurtanza ala tematica dla sëira. La sëira, l mumënt dl di, te chël che l surëdl va bel plan do ju y ti dà nscila al mond na lum nteressanta, che desmostra na magia particulera.
Per fé pea iel da scrì ora l formuler, che ie da abiné sun la plata www.circolo.org, nchin ai 30.06.2024. La selezion di:la artisć:tes crisc:sses ora unirà fata al savëi doi enes do.
I artisć che puderà fé pea à la puscibltà de mëter ora si opres tla sala dla mostres dla sënta dl Istitut Ladin Micurá de Rü a San Martin de Tor.
Dai 31.08.24 nchin ai 06.09.24 saràl pona l simposium y pona la naugurazion dla mostra ai 7 de setëmber. La jirà inant nchin ai 15 de setëmber. L Circolo y l’EPL se ncunforta sun la candidatures. Fé pea ie debant.
La mostra »Äres« vá te Gherdëna
Daurida dla mostra coletiva dl’EPL–Ert por i Ladins en colaboraziun cun la Lia mostra d’Ert incö vëndres ai 14 de jügn dales 18:00 tl Circolo a Urtijëi
»Äres« é le contribut che l’EPL dá por chësta colaboraziun de dialogh danter l’ativité artistica badiota y gherdëna. »Äres« é piada ia l’ann passé d’isté a La Val por se svilupé inant y jí foradecá. La parora »Äres« é metüda adöm da ‘ëres« y ‘ares«. La mostra tl Circolo döra cina ai 7 de messé 2024. Ala fin de agost 2024 ti tocarara ala Lia mostra d’Ert da jí a San Martin de Tor por na edema de dialogh, colaboraziun y laur. I resultac de chësc simpose gnará metüs fora dai 8 de setëmber ai 15 de setëmber tla mostra coletiva tl Istitut Ladin cun le titul »Sëra« che acorda cun la parora »Äres«.