La Usc di Ladins

Diesc egn do la gran festa che chi del 1964 aea endrezà ja Pardac per i 50 egn, chiaman a una conscric da duta la valèdes de la Veisc e de la Ladinia, ruan fin via per Belun, chest an i à volù tegnir su la tradizion de la »’64 Dolomiti Fest« e tegnir aut l livel, apede che l spirit de clasc che é stat viventà ence ti egn passé, canche ence da Fascia l é stat conscric che é jic a la cenes metudes a jir a Falcade, Sèn Martin de Castrozza, Cembra e adertura te la Valsugana. 

Per i 60 egn l comitat de endrez coi trei componenc fascegn Antonella, Franz e Luisa (en rigorous orden alfabetich) e etres 3 conscric da la valèdes vejines, i à metù a jir na bela sera con cena e bal en sabeda prum de jugn al Gran Tobià Teater e Hexen Klub de Cianacei.

I se à binà de beleche 300, da duta la Dolomites, e ben segur no podea mencèr conscric ladins mingol da duta la valèdes entorn al Sela. 

De più su La Usc stampèda de en vender ai 14 de jugn.  (LG)