La Usc di Ladins

Ence l soreie no podea fèr condemanco de vegnir a cuchèr la terza gara de Copa Tèlia Lead che se à dejout a la strutura ADEL. Belimpont en sabeda e en domenia passèda a Ciampedel l Fascia Climbing à endrezà endodanef n apuntament sportif de valuta nazionèla. Seben che de sabeda l temp no l sie stat bon, en domenia l ciel à dassen fat marevea e l publich no é mencià. »Te n event a l’averta l temp no l é dut, ma segur l peisa sul suzes de la manifestazion. I atlec i era contenc ajache l era più ciaut«, chest l coment de la diretora de gara Alison Prinoth.

En sabeda dadoman l é peà via la calificazions con 130 scric ite, anter omegn e femenes. L numer l é stat sora la spetadives: l an passà de setember, ma ence ti etres apuntaments del zircuit, se rua entorn n centené de atlec. La gara de Ciampedel la é stata metuda ite te n trail de la Nazionèla di joegn, e donca ence i atlec under 16 à podù tor pèrt al apuntament. 

De più su La Usc stampèda de en vender ai 31 de mé.  (Nicoletta Riz)