La Usc di Ladins

Serf cognoscer polito na istituzion, na sociazion o na azienda per la saer vidèr polito. Ge vel presservèr la tra­­dizion e i valores che à na realtà: puro chi che se à dat ju laite per n bon trat de temp pel se tor su na encèria e la saer rejer polito. L é de besegn de aer cognoscenza storica per jir inant coche carenea, per mantegnir l cher de na realtà. Ampò, a rejonèr de tradizion l é n gran risech: che la dovente statica. Col pensier fis di veterans de la tegnir su, l progres no l pel vegnir inant. Saer jir envers l mudament l é vital e essenzièl.
A rejonèr de chest con n vejin de cèsa, se lean ence a noscia valèdes, l é vegnù fora chesta bela parlèda: »N joen no l se met te l’aministrazion ajache no l se n cruzia, ma se l se met fazile no l vegn lità. Ma se demò adinfal la jent l lo lita, l rua ite, e sie pensier no l ge va do a chi che co­mana, no l vegn scutà listesc«. (Comentar de Nicoletta Riz)

De plu tla edizion stampeda de La Usc di Ladins o sun l e-paper a paiament www.lausc.it/e-paper