La Usc di Ladins

En sabeda ai 2 de mèrz sun Pana l Schi Club Gardena à endrezà l’ultima garejèda nazionèla de saut e combinèda nordica, 12° Memorial Simona Senoner. 

Da doman bonora l é stat la gares di più picoi U.10 e U.12 dal trampolin HS21. Anter i Pulcini l é da uzèr fora l 6° post de Alan Dominik Piazza, l 7° de Daniel Insam, l 8° de Filip Kasslatter e l 9° de Lisa Demetz duc chenc del SC Gardena/Groden. Anter i Giovanissimi enveze l é l 6° post de Niklas Perathoner semper del SC Gardena. 
Dapò la categories U.14 de ic e eles se à tramudà sul trampolin HS35. Chiò l é ruà l bel resultat de Filippo Desilvestro da Moena che cor con la Dolomitica che à fat doi bie sauc a 31.0 e 31.5 metres, 2° post per Samuele Beltrame de Monte Lussari e 3° per Matteo Delugan semper de la Dolomitica.Ence i atlec de la Monti Pallidi se à fat onor: Tobias Chenetti é ruà 7° e Manuel Gross 10°. 
Sobito do l é stat endrezà la garejèdes de paslonch che aea valuta per la combinèda e te la U.14 Tobias Chenetti l é stat bon de jir a se tor l prum sciaier con 3’’70 centeisemes de vantac su Filippo Desilvestro.

De più su La Usc stampèda de en vender ai 8 de mèrz.  (MCI)