La Usc di Ladins

Nia da far chest’outa per l Fascia Balon che à bele cognù zeder contra l Porfido Albian. Ti prumes menuc l é i patrogn de ciasa che tegn de più l balon ma zenza crear cruzies per Trottner e compagnes. Col jir di menuc i bec de mister Cigolla taca a jiar e al 20’ rua l gol fascian co na trata dal cianton de Adil Bouchrik, l balon rua sul ciaf de Patrizio Deville del Bronza che ge passa l balon a Alessandro Crepaz che de ciaf l lo met te sach. Do aer fat l gol i fascegn se engaissa e i va en atach ma zenza esser bogn de doventar pericolousc. Ti secondi carantacinch menuc l é i patrogn de ciasa che fasc la partida e do 5 menuc rua l prum gol co na trata da pec pasc che Gabriele Rasom de Rajum, joen portier 2008 a soa pruma partida co la pruma squadra, no l é stat bon de parar.

De più, con formazion, classifica e resultac ence de la squadres mendres su La Usc stampèda de en vender ai 21 de mèrz.  (Pierpaolo Rasom)