La Usc di Ladins

La atletes dl zënter de jì a ciaval Pozzamanigoni à fat pea pra plu manifestazions naziuneles de saut cun si ciavei.
La prima trëi garejeda dl ann ie states a Sommacampagna, Verona, ala fin de jené, fauré y merz, ulache i atlec dla scola de Sëlva à arjont scialdi de bon plazamënc.

Inant iela jita cun na garejeda naziunela a Verolanuova de auril per pona se njenië ca ai campiunac regiunei de "dressage" a Sterzing, na disciplina te chëla che n muessa fé bel a puntin cun si ciaval n dessëni dan na giuria. Iló ie Sara Avolio cun "Bagatelle" stata scialdi bona: ëila à venciù l "Trofeo promesse" y ie deventeda nscila campiunëssa regiunela de chësta categuria, nce Chiara Cerescioli cun si "It’s Amazing" se à batù scialdi bën y la à venciù la bedaia de bront for tla categuria "Trofeo promesse". Teresa Senoner à cun si "Suave Corazon" venciù la bedaia de bront tla categuria “Trofeo debuttanti”.

Per l Zënter de jì a ciaval Pozzamanigoni, Alexia Senoner

L articul tla edizion atuela de La Usc di Ladins.