La Usc di Ladins

N bel fin dl'ena cun garejedes emoziunëntes iel stat n sada ai 7 y ai 8 de juni a Bulsan. Al Lido iel unì metù a jì i Campiunac pruvinziei de nudé per i esurdienc A y B. Nce chëi de Gherdëina à fat pea.

Per trueps fòvel l prim iede che i à fat na garejeda te na nudadoia plu longia, de 50 metri, ma i ne se à nia lascià sciautrì y duc canc – Anna, Valerie, Eleonora, Nicole, Tamara, Maria, Megan, Alisa, Keisi, Cristian, Julius, Leonard, Matteo, Gianluca, Tommaso y Davide – à desmustrà na gran grinta, cunzentrazion y ueia de dé dut.

Scialdi n forma fova n chëi dis Gianluca Marchione. L atlet jëunn dl Club Nudé Gherdëina à venciù cater bedaies.

EK

L articul sarà da liejer tla edizion nueva de La Usc de n vënderdi ai 4 de lugio.