La Usc di Ladins

La squadra de balon del Genoa rua endodanef te Fascia. Per l terzo an l Club de Villa Rostan, ensema a l’ApT de Fascia e Trentino Marketing à sotescrit la partership per l ritiro de la squadra che se arcedarà desche i etres egn sul ciamp de balon Benatti de Moena con l endrez e l coordenament de la sociazion Monti Pallidi. I jiadores sarà te Fascia dai 15 ai 27 de messèl e i sarà ghesć al Wellness Hotel Dolomia de Soraga. »L é con gran gaissa che per l terzo an ge dajon alberch al Genoa CFC – à dit l president de l’ApT Fausto Lorenz. La prejenza del club più veie de la Talia raprejenta per noi n recognosciment emportant de la calità de l’ospitalità, de le struture sportive e del ambient unich che noscia val é bona de sporjer.«

Se pel lejer de più su La Usc stampèda de en vender ai 11 de messèl, che se pel troèr ence te la boteighes de sfoes de la valèdes ladines.  (Monica Cigolla)