La Usc di Ladins

Ai 30 de messèl l Consei de Cianacei à aproà dut a una la domana de deroga de la sozietà Fienile Monte s.r.l. de Alexander Monteleone per i lurieres de restruturazion e smaorament de la strutura dal medemo inom, loghèda te la skiarea de Rodela ló che passa l Sellaronda.
L projet, do aer ciapà l parer favorevol da la comiscion coordenament provinzièla, é ruà te man del Consei de comun vedù che la spersa ‘sciabile’ del PRG olache l é la strutura perveit sci i smaoramenc, ma nesciuna indicazion en cont del co e del cotant. L é stat valutà l projet de valuta per la recalificazion de la strutura, emportanta per sia posizion turistica strategica.
Te Consei l é stat ampò na discuscion dantfora, cauja che la strutura doventarà cater outes e mez più grana.

Se pel lejer dut su La Usc nr 33 dai 29 de aost: sul sfoi stampà che se pel troèr ence te la boteighes de sfoes de la valèdes ladines o sul pdf per i aboné al e-paper.

 (Nicoletta Riz)