La Usc di Ladins

"Wildcamping", le camping salvare, é öna dles parores che an á aldí dër gonot tratan chësc isté. Campers che stá sön plazes publiches, che s’archita dlungia strada por sté iló suranöt, jënt che stá en tënda fora por la natöra. Dan da döes ediziuns ëise podü lí val’ deplü sön la situaziun te Fascia, olache le Consëi Comunal da Cianacei baia de "na situaziun da dodé". Na picia cercia ái ciafé instës ai 11 d’agost, canche i gnô da Ju de Frara jö cuntra Corvara: te vigni ota, te vigni plaza, te vigni locia êl campers, pulmins y ince auti cun jënt che stô suranöt. Sö por i jus é la situaziun bele valgamia inant.
Chësc fenomen conëscion ince te Mareo, olache al é (altamo ciamó) manco slarié fora. D’Al Plan ite n’él indere ince tres deplü che chir fora la Val de Mareo sciöche so "hotel a mile stëres".
Le Comun de Mareo á intant porvé da reagí cun na proibiziun da parché tres ite de nöt, dales 22:00 ales 6:00 da doman. Mo an sá che proibiziuns zënza controi joa püch y nia. I pröms dis él indere sté la verda forestala che s’á metü sön tru da doman adora ite por la Val y da Fanes sö, "a ciacia" de camperisć salvari y de tëndes fora por bosc y munts. Rová éson porí pro jënt da foradecá: franzesc, croac, inglesc y d’atri.
Co che ara jüda un n de, nes cunta Heinz Tschaffert, comandant dla staziun di verdabosc d’Al Plan.

Deplü podëise lí t’La Usc di Ladins di 29 d’agost  (pablo)