La Usc di Ladins

L’à troà ence na spolverèda de neif fresćia la delegazion FIS del setor schi cross ruèda enstadì al Park Munciogn sun Sèn Pelegrin per l tradizionèl briefing pre-event e per l soralech del portoi che sarà protagonist de la Copa del Mond del an che vegn che arà na neva data sul calandèr internazionèl e più avisa vender ai 30 e sabeda ai 31 de jené del 2026, con la califiches de mercol e jebia.

L maor zircuit de la discplina freestyle rua endodanef tel Trentin, de gra al endrez rencurà da la Monti Pallidi, con la colaborazion del Ski Team Fascia, FassActive, Gregn Evenc e la sozietà de impianc portamont Ciadenac.

L diretor del setor te la FIS Klaus Waldner, ensema a so assistent Christian Cretier, à podù se confrontèr con l staff de Fascia, metan al luster chel che l era stat fat de firé con la pruma assoluta de la Copa del Mond col format olimpich.

Se pel lejer dut su La Usc nr 27 dai 18 de messèl: sul sfoi stampà che se pel troèr ence te la boteighes de sfoes de la valèdes ladines o sul pdf per i aboné al e-paper.


 (MCI)