La Usc di Ladins

La sanità de la eles l é sanità per duc. Con chesta paroles l Comun de Sèn Jan prejenta la neva scomenzadiva, che revèrda soraldut la femenes ma la é outa duta la comunanza. 
»Desché assessore a le politiche soziale del Comun de Sèn Jan, ma ence desché femene – ne à dit l’assessora Mirella Florian – gio e Lucia Dellagiacoma aon volù scomenzar via nosc mandat col far zeche per le femene, perché pisson che la sanità de le ele no sie demò na costion medica, ma ence soziala e culturala. L é na desferenza anter ic e ele, de spes le femene le fasc più fadia a ge star do a soa sanità e so bonstar, percheche le cogn se cruziar de la sanità de duc chi de ciasa, per secodir i fies e magari ence i familiares più de età. Per chest pisson che se cruziar de la sanità de le femene sie jir a miorar l benstar de duta la comunanza.«
Ti prumes doi apuntamenc se rejonarà de la medejina de gener e de endometriosi. En mercol ai 17 de setember con la dotora Elena Bravi, diretora de Integrazion sozio-sanitèra e referenta per la medejina de gener te la sanità e en jebia ai 18 con l dotor Gianluca Marcomin, diretor de l’unità de ginecologia del ospedèl de Ciavaleis. Se jirà inant en lunesc ai 22 de setember con l dotor Fabrizio Taddei sul percors per maternità tel Trentin e ai 24 con l dotor Maurizio Del Greco per rejonèr de malaties del sanch e del cher de la femenes e dapò  autra cater scontrèdes sarà via per de otober.

Se pel lejer dut su La Usc nr 35 dai 12 de setember, che se pel troèr ence te la boteighes de sfoes. Sul sit www.lausc.it se per fèr l abonament al e-paper per aer azes vigni vender a dut l sfoi sul fonin, tablet o computer.



 (LG)