La Usc di Ladins

La Copa del Mond de schi de eles rua endodanef su La VolatA con la libera en sabeda ai 7 de mèrz e l superG en domenia ai 8 de mèrz.

Do la edizion del 2021 e chela sfortunèda del 2024, l terzo at de la Val de Fascia Audi FIS World Cup se à avert ofizialmenter en vender ai 25 de messèl con l’ispezion de FIS e Infront Sports & Media.

A spetèr la delegazion, con l diretor generèl Peter Gerdol, l responsabol de la garejèdes sveltes Alberto Senigagliesi, Massimo Rinaldi e Gianluca Rulfi per la Fisi, Enrico Cappelletti e Federico Margini e l regist de la produzion televisiva Sandro De Manincor per Infront, l era l Comitat de la sozietà Gregn Evenc de Fascia con l vizepresident Gianni Rasom e la referenta del schi alpin Alessia Debertol, l president del Consorzie impianc portamont Lujia Sèn Pelegrin Mauro Vendruscolo, l diretor de gara Mattia Giongo e l referent de portoi Moreno Rizzi, compagné dai resposaboi de setor.

Se pel lejer de più su La Usc stampèda de en vender prum de aost, che se pel troèr ence te la boteighes de sfoes de la valèdes ladines.  (Monica Cigolla)