La Usc di Ladins

Domenia de sport e festa te Fascia, per l’edizion 2025 del Vertical Bufaure. Ai 21 de setember da les 10 da doman te Piaz de Comun de Sèn Jan pea via la tradizionèla garejèda de corsa sa mont, che per l quarto an vegn endrezèda da la Coprativa sozièla Inout col didament de Massimo Dondio Macha, de Mattia Valentini, de la sozietà de impianc Bufaure e del Comitat manifestazion de Poza. 
L Vertical Bufaure l é la seconda tapa del zircuit FFB – Fiem, Fascia e Biois, tacà via a la fin de aost co la “107 scalini” a Falciade e che fora per l uton viventarà la mont de noscia valèdes, con evenc sportives che tol ite n muion de atlec e de pascioné de ogne età. 
L percors de la garejèda, belebon ert e seletif, va su per l troi sotite la cabinovia de Bufaure e rua chest an apede a la stazion sa mont: en dut zirca 3 chilometres e n dislivel de 750 metres.
Per maor info e per se scriver ite a la garejèda se pel jir sul sit www.inoutfassa.com/vertical o sui canai social de Inoutfassa.

Se pel lejer dut su La Usc nr 36 dai 19 de setember, che se pel troèr ence te la boteighes de sfoes. Sul sit www.lausc.it se per fèr l abonament al e-paper per aer azes vigni vender a dut l sfoi sul fonin, tablet o computer.


 (Thomas Zulian)