La Usc di Ladins

Chi ne n'à pa nia audì rujenan almanca un n iede dl Super Bowl? Ti USA ie chësta fineles dla NFL – National football league un di majeri evënc sportifs dl ann, cun milions de spetadëures che ti cëla ala partides y ejibizions spetaculeres de ciantarins coche curnisc di juesc.

L american football ie na disciplina sportiva che ne n'ie nia drë' cunesciuda tlo da nëus. Me é perchël fat scialdi marueia canche é audì che n jëunn de 29 ani de Santa Cristina à venciù la bedaia de bront pra i Campiunac europeics de american football. Pu co, me ei mpensà, un de Gherdëina che fej chësc sport? Chël ne n'ovi mo mei audì. Y davia che na bedaia de bront ai campiunac europeics ie n resultat de marueia, ons nvià ite David Perathoner te redazion a nes cunté velch de chësc suzes.

EK

L articul tla edizion atuela de La Usc di Ladins.