Che l HCG sà da fé hockey òven udù al scumenciamënt dl campionat. La butova dassënn: dancà a fé goi y dovia te porta, ma pona se à dut mudà y la vëntes univa for manco. Nscila àn pensà de mudé velch, y tl sport iela suvënz nscila che l vën pona mudà ora l trainer. Nstadì àn prejentà l nuef, nianca no tan nuef. Marcel Skokan, 50 ani, ie bele cunesciù te Gherdëina, ajache l fova bele danter l 2014 y l 2017 a cë di jëuni dl HCG. Śën iel inò tlo, y coche l nes à dit, se àl dassënn ncunfertà dla cherdeda. "L HC Gherdëina ie per mé na cossa de cuer, é riesc dit de sci canche Joel Brugnoli y Walter Ploner me à damandà. L fova bele for n sëmi pudëi ruvé inò de reviers y tò tla man la prima scuadra," nscila Skokan. L trainer slovach cunësc drët bën l hockey da tlo, do i trëi ani pra l HCG òvel mo laurà trëi ani cun i jëuni de Puster. Nchin dan puec dis fòvel trainer dla scuadra dl'università Spartacus de Kosice.
SPM
L articul ntier tla edizion nueva de La Usc di Ladins de n vënderdi ai 5 de dezëmber.
L HC Gherdëina à n trainer nuef che cunësc bele nosta val
Tl sport a scuadra vàla for nscila, che canche la ne buta nia vëniel mudà ora l trainer, ajache n ne possa pu nia mudé ora duc i jugadëures, chël ie tler. Bele da plu enes incà se lamentova i fans, i bon resultac mustrei nchin dan Segra Sacun ie me plu n lecord. L'enes passedes àn perdù massa juesc
Galaria retrac
View the embedded image gallery online at:
https://www.lausc.it/sport/30841-l-hc-gherdeina-a-n-trainer-nuef-che-cunesc-bele-nosta-val#sigProIda10b92521d
https://www.lausc.it/sport/30841-l-hc-gherdeina-a-n-trainer-nuef-che-cunesc-bele-nosta-val#sigProIda10b92521d
