La Usc di Ladins

Podie brun con doi taliegn en sabeda ai 7 de mèrz tel slalom lèrch paralel de brea a Spindleruv Mlyn, te la Republica Ceca: la medaa de or é jita defat a Maurizio Bormolini da Livigno, atlet del Eserzit che chest an do trei ventes de seghit l é do a vidèr ence la classifica de Copa del Mond. Ma noscia legreza la é amò maora per l atlet sul terzo sciaier: l ladin da Moena Mirko Felicetti.
Do diesc egn da sia ultima medaa de CdM, te chesta sajon l moenat clas 1992, che gareja per l Circolo Canottieri Aniene col sostegn de l’ApT de Fascia, l é do a jir dassen delvers: l é peà via ai 7 de dezember con na maraveousa medaa de or vadagnèda a Mylin te la Cina; ai 18 de dezember l é ruà l bron su la neif de cèsa del portoi Pra di tori forin Mont de Vich e ai 10 de jené l arjent a Scuol, te l’Engiadina. Pecià che dapò l à mencià per pech l'ocajion de la medaa ai Jeghes Olimpics e a Livigno l à cognù se contentèr de la 7^ posizion.
Chest'outa l suzes de Mirko rua da la Republica Ceca, olache l ladin de brea à fat na garejèda strepitousa te la picola finèla del slalom lèrch paralel...

Podede lejer dut su La Usc dai 13 de mèrz da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)

 (Lucia Gross)