La Usc di Ladins

En sabeda ai 14 de mèrz a Riva del Garda, l é stat endrezà l Trofeo Primavera, na garejèda de ginastica ritmica dedichèda a la ginastes di corsc basa che se arcedea presciapech doi ores en setemèna. 
»Su la pedana l é jit bezes dai 6 ai 11 egn – ne à contà la alenadora Sandra Bernadas - n muie de chestes a sia pruma esperienza de gara foravia e, per vèlch una, adertura a sia pruma garejèda en assolut. Enceben la emozion la joenes atletes à desmostrà gran empegn, gaissa e n muie de grignoc, ge sporjan al publich ejercizies  rencuré e piens de entusiasm. La competizion à vedù la partezipazion de presciapech n centené de ginastes da cater sozietèdes del Trentin: Gymnica, Ginnastica de Mezlombart, Anima Ritmica e Ritmica Fassa Project. L endrez de la giornèda é stat perfet de gra a la sozietà che ne à dat azet, la Gymnica, che à sapù creèr n clima gustegol e da stèr sorì per duta la partezipantes.«
La Ritmica Fassa Project à portà a garejèr 30 ginastes da duta la trei sentes del teritorie: Cianacei, Poza e Juan.

Podede lejer dut su La Usc dai 20 de mèrz da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)


 (MCI)