La Usc di Ladins

Cater iedesc à l HC Gherdëina venciù l Campiunat talian. 45 ani do sënt i tifosi, y nia mé chëi, che chëst ann pudëssela inò garaté cun n titul. Chëst iede ne se tràtel nia de n »scudetto«, ma n juega per la vënta dla Alps Hockey League. Feter doimile persones à n merdi sëira sustenì i jugadëures tl Pranives tl segondo juech dla fineles contra l Maran. L Gherdëina à fat l juech y venciù 6 a 3. Do la vënta de n sada passeda per 1 a 5 a Maran, sàla do doi juesc donca 2 a 0 per l Gherdëina. Śën possa i tifosi semië. Chi che vënc dant cater juesc ie campion dla Alps. L Gherdëina à de bona chertes. N juebia de chëst’ena saràll terzo juech, n sada ai 18 de auril l cuarto te Sëlva. Dai me, Gherdëina!

USC