La Usc di Ladins

La se à serà su con na gran festa en sabeda ai 4 de messèl la 5^ edizion del tornoi de balon a cinch Soraga League. Dai 18 de jugn per doi setemènes la 11 squadres scrites ite se à endesfidà a eliminazion sul ciamp de balon de Soraga per venjer i trofees metui a la leta. 
Chest an la squadres era spartides fora coscita. Tel giron A: Sun Sela FC, Tibie e Peroni, FC Pizmeda, Cunie FC e US Litegosa. Tel giron B: Nosbari FC, I Cater CC, Tutti Pazzi, FC Stortenham, I Vesini del Feudo e Tim Barak.  
A ogne partida l é stat n spetacol de sport e de legreza con chisc jiadores che spartesc la gaissa e la pascion per l balon, chest an, se cogn dir, engaissé amò de più da chi che jia fora i Mondièi sorafora l’Ozean Atlantich. 
»Ence chest an aon cognù scombater soraldut col catitemp – ne à contà Dennis Rasom de Onz, un di organisadores del tornoi – ajache mese le partides le aon fate sot la pievia, per fortuna no l à pievet a la finala.

Podede lejer dut su La Usc stampèda dai 17 de messèl da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)


 (Monica Cigolla)